Zagotovka: sous, xamir, qiyma

Oshxona o'zi tayyorlaydigan narsa — bir marta yoziladi, hamma taomda grammlab ishlatiladi.

Sous, bulon, xamir, sushi guruchi — bular menyuda yo'q, lekin ombordan chiqadi. Ular Ombor → Texkartalar → Zagotovkalar da tuziladi.

Bu bo'limning butun ma'nosi shu: olti xil sousi va qirq taomi bor oshxona aks holda o'sha pomidorni yetti joyda qayta yozadi — va yetti nusxa bir oy ichida bir-biriga mos kelmay qoladi.

Zagotovka tuzish

1Yangi zagotovka — nom bering: «Somsa qiymasi», «Oq sous».
2O'lchov birligini tanlang: kilo (grammda ishlatiladi), litr (millilitrda) yoki dona.
3Masalliqlarni va bir partiyaga ketadigan miqdorlarni yozing.
4Chiqimni yozing: bir partiyadan qancha chiqadi.
5Saqlang. Endi u taom kartalarida oddiy masalliq kabi ko'rinadi.

⚠Chiqim — halollik joyi. 3 kg pomidordan 2 kg sous chiqsa, chiqim 2000 g, 3000 emas. Katta yozilgan chiqim shu sousli har bir taomni arzon ko'rsatadi.

⚠Chiqim yozilmasa zagotovkaning bir grammi hech qanchaga tushmaydi, ya'ni uni ishlatgan har bir taom narxlanmagan bo'lib qoladi.

Zagotovkaning narxi yozilmaydi: uning narxi — bir partiya qanchaga tushsa, chiqimga bo'lingani. Shuning uchun narx maydoni ekranda ham ko'rsatilmaydi.

Zagotovka ichida boshqa zagotovka bo'lishi mumkin (xamir → somsa qiymasi bilan birga «tayyor somsa»). Hisob bosqichma-bosqich yuritiladi.

Zagotovka sanaladimi?

Odatda yo'q: hech kim «sous»ni sanamaydi, pomidorni sanaydi, va sous ishlatgan taom pomidor ishlatgan deb o'qiladi. Markaziy oshxonasi bor zanjir uchun «Partiya bilan tayyorlanadi» belgisi bor — u yoqilsa zagotovka javondagi haqiqiy narsa bo'lib sanaladi va filiallarga ko'chiriladi.

Shuni ham o'qing

Javob topilmadimi?

Telegramda yozing — odam javob beradi. Qaysi ekranda ekaningizni va nima kutganingizni yozsangiz, javob birinchi xabardayoq keladi.