Yetkazish zonalarini chizish

Xaritada chegara chizasiz, har zonaga o'z narxini qo'yasiz — mehmon ham shuni ko'radi.

Sozlamalar → Yetkazib berish → hisoblash usuli sifatida zonalar tanlanadi. Pastda xarita ochiladi.

Zona chizish

1Yangi zona ni bosing.
2Xaritada chegara nuqtalarini ketma-ket bosib chiqing. Kamida uchta nuqta kerak.
3Oxirgi nuqtadan birinchisiga tutashtiring — shakl yopiladi.
4Zonaga nom bering («Markaz», «Chilonzor») va narxlash usulini tanlang.
5Saqlang. Zona darhol saytda ham ko'rinadi.

Zona narxi ikki xil bo'ladi

Belgilangan narx — zona ichidagi har manzilga bir xil summa. Eng sodda va mijozga tushunarli.
Km bo'yicha — boshlang'ich narx + har km uchun qo'shimcha, masofa restorandan o'lchanadi.

⚠Zona kamida uch nuqtali bo'lsa ishlaydigan hisoblanadi. Ishlaydigan zona bo'lsa masofa sozlamalari (boshlang'ich narx, km narxi, maksimal masofa) umuman e'tiborga olinmaydi va zonadan tashqariga yetkazilmaydi.

⚠Zonani chizib bo'lib saqlashni unutmang. Chizilgan, lekin saqlanmagan shakl ekranda turadi va butunlay haqiqiydek ko'rinadi.

Mehmon checkout sahifasida zonalarni xaritada va tagida ro'yxat bo'lib ko'radi: qaysi zona, qancha. Manzil tanlanmagan bo'lsa xarita butun qamrovga moslanadi — ya'ni mehmon birinchi qarashda «bizga yetkazadimi?» degan savolga javob oladi.

Shuni ham o'qing

Javob topilmadimi?

Telegramda yozing — odam javob beradi. Qaysi ekranda ekaningizni va nima kutganingizni yozsangiz, javob birinchi xabardayoq keladi.